BE.12 Logu no.15
DIPUJI ROHANGKON DO HO

Ayat 1
Dipuji rohangkon do Ho Jahowa, Tuhanki
Huhut hubaritahon do Sude pambaenanMi

Ayat 2
Huboto Ho do mual ni Na denggan sasude
Dilehon Ho do sian i Godang di hami be.

Ayat 3
Ai aha ma adong hian di hami na lea?
Sude dilehon Ho nian O Tuhan Debata

Ayat 4
Ai Ho do na margogo i Sitompa sasude
Ho do na pangoluhon i Nang marmuduhon pe.

Ayat 5
Di langit ni langitan i na hembang songon haen
Marriburibu bintang i Tung ise do mamabaen ?

Ayat 6
Tung ise do na basa i Manatap hita be
Na pabornokkon hauma i Parngolu di sude ?

Ayat 7
Gok eme angka sopo i Tung ise do mala
Nang sasude bohalta i Nda Tuhan Debata ?

Ayat 8
I ma tutu, o Debata Dilehon Ho sude
Ai Ho do na tongtong basa Manumpak jolma i.

Ayat 9
Dipinsang Ho pe hami on Dibahen dosa i
Sai dipalambas Ho tongtong Roham na denggan i

Ayat 10
Ai molo marsak rohangki Dibahen dosa i
Mura do mulak rohaMi Manesa salangki

Ayat 11
Diapul Ho do sasude Na marsak roha i
Diduduk Ho iluna i Tu parningotanMi

Ayat 12
Sai disarihon Ho sude Di hasiangan on
Tu daging nang tu tondi pe Panongos Ho tongtong

Ayat 13
Antong boasa ma tungki Ho ale tondingki ?
Haposi ma Debatami Sitompa sasude

Ayat 14
Ndang dung marsala Debata Tu ginomgomNa i
Ai manang dia pe dibaen Denggan ujungna i.

Ayat 15
Antong pasombu Debatam Mambaen ture langkam
Asa tongtong sonang rohaM Timbul dohot tuam.
